De Spetze vun unserem Dom ka’mer vun üvverall sin – bei uns künnt Ehr se beinöhks anpacke.

En nöhkster Nöh zum Kölsche Haupbahnhoff un zum Kölsche Dom, deit Üch dat Tiem vum Hotel Domspitzen bejröße.

Janz ejal ov Ehr selvs bezahle möt odder Ühre Bruthär, Kölle es emmer en Reis wät. He em Hätz vun d’r Welt künnt ehr Künsler, Musikante un Schauspiller treffe.

Vum Hotel Domspitzen us künnt Ehr dä Kölsche Haupbahnhoff, de Ennestadt un all die vill Sache, die et wät sin, dat mer se sich anloort, ze Foß erreiche – bes en de Altstadt, noh de Kulturtempel met Museijn, Philharmonie un Thiater, sin et nor winnije Minüttche ze jon.

Och för Jeschäffslück hät uns Kölle als internazijonale Messeplatz, Radijo-, Fänsinn- un Zeidungsstadt suwie als pulseerende Knöddel för Kummelekation vill ze beede.

Loßt et Autöche räuhich stonn – Stroßebahn un Bus brängen Üch en winnije Minutte zor Mess, Lanxess-Arena, Universität, Rheinauhafen udder woherr dä nöhkste Termin Üch herföhre deit.

Met vill Pussasch för dä Tüttelskrom han mer us domols zwei Hotels eins jemaat, eins met enem janz eije Charme un Charakter.

Mer freue uns op Üch un bejröße Üch en Kölle, der Metropole am Rhing.